ANA TAEKA NI BAU TE BERETITENTI
12 TURAI 2004
Te moani bwai bon te taeka ni kamauri nakoia irua mai abatera aika a rine:
Kautun Aaba aika te Beretitenti ae karineaki mai Matiare H.E. Kesai Note and Madam Note, te Beretitenti mai Nauru H.E. Ludwig Scotty ao Madam Scotty ao te Prime Minister mai Tuvalu, Hon Saufatu Sopoanga and his Good Lady
Taan Tei aika a karineaki man Tautaeka aika Aotiteria, Engiran, Nutiran, Papuanukin, Taiwan, America ao Tiaban,
Taan Tei man botaki n aron te EU ke aban Eurobe, USP, te FAO, SPMS n reitaki ma kain nako ami tiim,
Ana Taan tei Kiribati n aaba aika Aotiteria, Nutiran ao Engiran n raonaki ma kain abami,
Ao ai boni Nakoimi kain Kiribati ni kabane n taabo ike kam a mena iai n te bong aio
Kam na bane ni Mauri!
Ti bane ni kakoaua bwa n te bong aio ao ti nebonebo bwa ti butimaea te bong are e a koro iai ara ka-25 n ririki imwin moan reken tautaekanakira i bon iroura. Ti a kona naba n taekinna bwa 25 te ririki n nako ao ti a anganaki inaomatara bwa tina taui arora I bon iroura. Ngkana I kaoka te ururing nakon te tai anne ao iai ake a kaoti nanoia n raraoma bwa ti a bon tauraoi ke ti tuai n tautaekana arora I bon iroura. N te bong aio ao ti a kona ni kaekai taeka ma naano n raraoma ake a rio n te tai arei.
N te bong aio ao ngaira ma ngkami ti aki nano uoua n ara koaua bwa Kiribati e a tia n ieakina arona n angan etina ma riaina inanon te 25 n ririki aika a tia n nako.
Ibukin aio ao ti bon riai moa n arori banara ma nanora ni kakaitau nakon are Uean arora nako, ibukin ana tararua ae teimatoa nakoira.
Bon ara kaitau naba nakoiia ara Taan kairiri ake a tia ni wakin aika kabanea n tamaroa ibukia ara botanaomata inanon te Tautaeka. E rabwa Ieremia, e rabwa Teatao ao e rabwa Teburoro. Bon ara kaitau naba nakoia Taan kairiri inanon botaki n Aaro, Kauntira, Botaki n Aine, Botaki n Roronrikirake ao ai botaki riki tabeua aika a kakaokoro. Ngkami Unimwane ma Unaine are bon ngkami atun ao bween te bootanaomata inanon ara Katei ti bon riai naba ni kateimatoa ara karinerine nakoimi. Ngkami kaaro ma Tiina ake kam a tia naba ni karaoi tibwangami ibukiia kain ami utu. Ngkami Taan wakin karikirake ke kain te private sector n ami waaki aika a kakaokoro ti riai naba ni kaitaua ami ibuobuoki nakon te botanaomata. Taan mwakuri n ana botaki nako te Tautaeka n ikotaki ma ana kambana, banara naba ni kaitau nakoimi. Ao ai boni ngkami ni bane ake iai tibwangami ibukin te botanaomata, ami utu ke ami botaki nako. Aio ara bong ma ngkami ni kakatonga ao ni kukurei ibukin reken te tamaroa are tia kona n noria ao ni kakoaua n te bong aio.
Ma e ngae ngke ti kona n taekinna bwa ti a riai ni kimareirei imwin te tokanikai ao ti bia kona naba n rawea te bong aio bwa ara tai n tanrikaki ma te nano rinano. Ni kauring itera nako ake ti tia ni kabwaka iai. Bwa e ngae ngke ti kona n taekinna bwa akea te kabuanibwai aika a tia n riki ma e na kakoauaki bwa bon iai naba kanganga aika a teimatoa n tuai ni kona ni karaoaki. Tiaki au kantaninga bwa e na riki te tai aio bwa n a taekin aikai ngkai bwaai aika a bon ataki iroura. Ma au kantaninga bwa e bia kona n reke te inanoi iroura ngaira ami taan kairiri n ikotaki ma ngkami ni kabane inanon uaiakinan te tamaroa riki nakon te 25 n ririki ae imwaira. E na kona n reke aio ngkana e teimatoa te taona n nano, te nanoraoi ao te kekeiaki. Te bekumwaka ma te kekeiaki bon tibwangara ngaira kain Kiribati kioina ngkai e bon uarereke tibwangara man te karikibwai. Ma ti kona n taekinna ma te kakatonga bwa ti teimatoa ni kona uotara nikarokoa te bong aio.
Ara kibu ni koora inanon ara Iubire aio e boboto iaon te koaua are "kataabangakan te kabwaia e bon reke man kakaraoan te eti ao te riai". Te kibu ni koora aio e aki ti kaeineti ma ana waki ami Tautaeka ibukimi bwa e bon rooti naba anuan maiura n tatabemanira nako. Ti bia kona ngaira ma ngkami ni kakoroa nanon aio inanon tibwangara aika a kakaokoro. E na bon memere ara kona ngaira ami tia kairiri n akea nanomi ni kan reitaki ma are ti wakinna ibukimi. Ngaia are ai bon au taeka ni kaunga nakoimi bwa ti bia kona n uataboa tibwangara inanon te 25 ririki aika imwaira.
E rangi ni kakawaki naba bwa n a kabongana te tai aio n anga ara taeka ni kakaitau nakoia aaba ma botaki ake a tia n teimatoa ni ibuobuoki nakon ara karikirake iinanon ririki aika a nako ni karokoa te bong aio. A mwaiti karikirake aika a tia n ringi aron maiura n itera aika a kakaokoro ao tiaki au kantaninga bwa n a toana teuna imwin teuana bwa ti bon ataia. Kam rabwa raora inanon ara karikirake.
I a kan karekea naba au tai ikai n anga au taeka ni kakatekeraoi nakoiia ake a nang tauraoi n anganaki aia metera ibukin tibwangaia aika a kakaokoro ibukin te botanaomata. Kam bia riki bwa banna ni katoto nakoira nikabane.
I a kan anga naba au taeka ni kakaaitau nakon Te Tia Babaire ma kain te Komete ibukin te Kainaomata ibukin aia bekutata ma aia mwakuri korakora are ti a kona n kakoaua tamaroan kanoana inanon ara bong n runga aio. Mwane ma aine aikai a tia ni wakina tibwangaia aio man tokin te ririki ae nako ni karokoa banen kanoan te Iubire aio ni boong aika imwaira. Irarikin ara taeka ni kaitau ao bon banara naba ni kaunga bwa kam na keiaki ni karokoa tokin tabemi ae kakawaki aio.
I a reitia naba ma au taeka ni kakaitau nakoiia Kambwana, Bitineti, Bootaki ma Aomata nako ake a tia n anga baiia ni boutokaa ana waaki Te Komete. Ti kakoaua ae e bon raka aron te runga aio tao kioina ngkai bon te Silver Jubilee. Ti kaitau ao ti kakatonga n ami ibuobuoki nakon ara Iubire ma ngkami aio.
N totokin au maroro ao ai bon ara bau ma ngkami ana bau abara ae Kiribati are Te Mauri Te Raoi ao Te Tabomoa ao
KAM RABA
NATIONAL ADDRESS BY TE BERETITENTI
12 JULY 2004
Greetings to our honoured guests from abroad:
President of the Republic of the Marshall Islands, H.E. Kessai Note and Madam Note;
President of the Republic of Nauru, H.E. Ludwig Scotty and Madam Scotty;
Prime Minister of Tuvalu, Hon. Saufatu Sopoaga and his Good Lady;
Distinguished representatives of the Governments of Australia, Great Britain, Japan, New Zealand, Papua New Guinea, Taiwan and the United States of America;
Representatives of the EU, USP, FAO, SPMS and your delegations;
Honorary Consuls representing Kiribati in Australia, New Zealand and Great Britain, and your spouses;
And to all I-Kiribati wherever you may be;
Greetings to you all!
We are here to celebrate the auspicious occasion of the 25th anniversary of gaining our independence. 25 years ago we were given the reins to govern ourselves. There were uncertainties at the time as to whether we were ready. Today, we can respond positively to those uncertainties.
Today, we know that Kiribati has tried to do what is right and good over the past 25 years.
For this, we must thank God for his continued guidance over us.
We also thank our past leaders for doing their best for the people. We thank Ieremia, we thank Teatao and we thank Teburoro for their invaluable contribution to the building of our nation since we gained Independence. We also thank leaders of Churches, Councils, women's groups, youth groups and other organisations. To our old men and our old women, the traditional leaders of our people, we must continue to pay our respects to you. To parents, for doing your part for your families. To the private sector, for your various contributions to the people. To those who work for Government and companies, we also thank you. To all who have responsibilities for the people, your families, your Church groups, this is our day to be proud and happy for our achievements as we can see and witness today.
Even though we are happy with what we have achieved, we must also use this day to humbly reflect on the past. To remind ourselves of the things that we have not done so well. Even though we have not had any major catastrophes it should be noted that there are still outstanding issues that are yet to be tackled. I do not need to elaborate on this as we all know what they are. But I hope that we, your leaders, can work constructively together, along with you, for the common good over the next 25 years. This can be achieved if there is continuing patience, humility and effort on all sides. Hard work and effort is our lot, we I-Kiribati, as we have few God-given benefits. But we can proudly say that we continue to shoulder our burden.
Our theme for this Jubilee is based on the belief that "an equitable distribution of national wealth can only be realised through good governance". This theme is not only related to Government’s policy for you but also touches our individual lives. May we be able to work towards this aim within our respective responsibilities. As your leaders, we will not be able to accomplish much without your cooperation and assistance. Therefore, I encourage us all to do our part over the next 25 years.
It is also appropriate on this day to thank our development partners, most of whom are represented here today, for their contributions in so many areas and in so many ways in assisting us to make progress towards the realization of our national development goals. It would have been otherwise difficult to achieve what we have achieved without their real support and partnership over the past 25 years.
I also take this opportunity to congratulate those who will be receiving medals for their respective roles for the community. May you be role models for all of us, especially for our youth.
I also thank the Chairwoman and the members of the Independence Committee for their hard work which is demonstrated in the excellent programme for these celebrations. These men and women have been working hard from the end of last year and will continue their efforts over the next few days. With these words of thanks we also encourage you to do your best and fulfill your important role.
I further thank the companies, businesses, groups and individuals who have assisted the Committee and contributed to these 25th Anniversary celebrations. We believe that these celebrations are special as it is our Silver Jubilee. We thank you and are proud of your contributions to our Jubilee.
I end with our Kiribati blessings of Te Mauri, Te Raoi ao Te Tabomoa
KAM RABA
